Aqorda Qazaqstan Respýblıkasy Prezıdentiniń 2021 jylǵy 6 jeltoqsandaǵy N709 «Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2021 jylǵy memlekettik syılyǵyn berý týraly» Jarlyǵyna kommentarıin jarıalady.
Qazaqstan Respýblıkasynyń Prezıdenti 2021 jylǵy 6 jeltoqsanda «Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2021 jylǵy memlekettik syılyǵyn berý týraly» Jarlyqqa qol qoıdy.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵyn berý jónindegi komısıanyń sheshimin qarastyryp, Qazaqstan Respýblıkasynyń Prezıdenti Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2021 jylǵy memlekettik syılyǵyn eki jumysqa berýge qaýly etti.
«Mıkrobıologıa jáne vırýsologıa ǵylymı-óndiristik ortalyǵy» jaýapkershiligi shekteýli seriktestigi usynǵan «Rozeofýngın-AS» otandyq jańa túpnusqalyq dárilik preparatty ázirleý jáne onyń óndirisin uıymdastyrý» taqyrybyndaǵy jumys úshin Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy bıologıa ǵylymdarynyń doktory, profesor, akademık Amankeldi Qurbanuly Sadanov bas dırektor bolyp tabylatyn avtorlyq ujymǵa berildi. Avtorlyq ujym quramy: bas ǵylymı qyzmetker, bıologıa ǵylymdarynyń kandıdaty Asá Sultanqyzy Balǵymbaeva; vırýsologıa bóliminiń jetekshisi, Qazaqstan Respýblıkasy Ulttyq ǵylym akademıasynyń korespondent múshesi, bıologıa ǵylymdarynyń doktory, profesor Vladımır Eleazarovıch Berezın; bas ǵylymı qyzmetker, medısına ǵylymdarynyń doktory, profesor, Qazaqstan Respýblıkasy Ulttyq ǵylym akademıasynyń akademıgi İlıas Raıhanuly Qulmaǵambetov; bas ǵylymı qyzmetker, bıologıa ǵylymdarynyń kandıdaty Lúdmıla Petrovna Trenojnıkova; «Ál-Farabı atyndaǵy Qazaq ulttyq ýnıversıteti» komersıalyq emes aksıonerlik qoǵamynyń bıologıa jáne bıotehnologıa fakúlteti dosentiniń mindetin atqarýshy, bıologıa ǵylymdarynyń kandıdaty Gúlnár Dáýletbaıqyzy Ultanbekova.
Sonymen qatar Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy Qazaqstan Respýblıkasynyń Bilim jáne ǵylym mınıstrligi Ǵylym komıtetiniń «Bıologıalyq qaýipsizdik problemalarynyń ǵylymı-zertteý ınstıtýty» sharýashylyq júrgizý quqyǵyndaǵy respýblıkalyq memlekettik kásiporny usynǵan «Qazaqstan Respýblıkasynyń bıologıalyq qaýipsizdigin qamtamasyz etý: ozyq ǵylymı tehnologıalar jáne óndiris» taqyrybyndaǵy jumystar sıkli úshin bıologıa ǵylymdarynyń doktory, profesor, Jaratylystaný ǵylymdary akademıasynyń tolyq múshesi Kúnsulý Zakará bas dırektor bolyp tabylatyn avtorlyq ujymǵa berildi. Avtorlyq ujym quramy: bas dırektordyń ǵylym jáne komersıalandyrý jónindegi orynbasary, veterınarıa ǵylymdarynyń doktory, profesor Erǵalı Orynbasaruly Ábdiraıymov; bas dırektordyń óndiristik qyzmet jónindegi orynbasary, veterınarıa ǵylymdarynyń kandıdaty, profesor Marhabat Melisbekuly Qasenov; zerthana meńgerýshisi, veterınarıa ǵylymdarynyń doktory, profesor Lesbek Bekbolatuly Qutymbetov; zerthana meńgerýshisi, veterınarıa ǵylymdarynyń kandıdaty, profesor, Ulttyq ǵylym akademıasynyń korespondent múshesi Muhıt Barmaquly Orynbaev; zerthana meńgerýshisi, bıologıa ǵylymdarynyń kandıdaty, profesor Kúláısan Turlybaıqyzy Sultanqulova; bas ǵylymı qyzmetker, veterınarıa ǵylymdarynyń kandıdaty, profesor Berik Muhıtuly Haırýllın.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy Qazaqstan Respýblıkasynyń azamattaryna tehnıkanyń, materıaldardyń jáne tehnologıalardyń álemdik analogtar deńgeıindegi nemese odan joǵary jańa túrlerin ázirlegeni jáne óndiristi uıymdastyrǵany úshin; ekonomıkanyń túrli salalarynda ekonomıkalyq jáne (nemese) áleýmettik áserdi qamtamasyz etetin múldem jańa buıymdar, tehnologıalyq prosester ázirlegeni jáne jasaǵany úshin beriledi.