Bul Konstıtýsıanyń 52-baby 5-tarmaǵynyń jańa redaksıasynda aıqyndalǵan.
Bul týraly AMANAT partıasynan Qazaqstan Respýblıkasy Parlamenti Májilisiniń depýtattarymen kezdesýde ýnıversıtet rektory Janseıit Túımebaev málimdedi, dep habarlaıdy Almaty-akshamy.kz
«Elimizdiń Konstıtýsıasyna usynylatyn túzetýler el úshin erekshe mańyzǵa ıe jáne bul rette ǵylymı qoǵamdastyq shette qalmaýy tıis. Bizdiń elimizdiń bolashaǵy árqaısymyzǵa baılanysty! Sondyqtan biz azamattyq ustanymymyzdy kórsetýge daıynbyz», - dedi ýnıversıtet rektory óz sózinde.
Májilismender Aıgúl Quspan, Aıdos Sarym, Juldyz Súleımenova jáne partıanyń qalalyq shtabynyń jetekshisi Meıirjan Otynshıev elimizdiń bas ýnıversıtetinde kezdesýdi uıymdastyryp, ótkizgeni úshin ýnıversıtet basshylyǵyna alǵystaryn bildirdi. Engizilgen túzetýlerdi talqylaı otyryp, kezdesýge qatysýshylar Májilis saılaýynda aralas saılaý júıesin engizýdi qoldady. Sonymen qatar, bir mandatty aýmaqtyq saılaý okrýgi boıynsha saılanǵan Májilis depýtattarynyń mandatyn keri qaıtaryp alý múmkindigi paıda bolady.