Memleket basshysynyń qaıtarylǵan aktıvter esebinen áleýmettik mańyzy bar jobalardy iske asyrý jónindegi tapsyrmasyn oryndaý aıasynda Úkimet Arnaıy memlekettik qordan oblystyń Kerbulaq aýdany Kóksaı aýylynda jańa mektep qurylysyna 1,4 mlrd teńge bóldi.
Qazirgi ýaqytta eldi mekende bir mektep jumys isteıdi, onda eki aýysymda 53 bala oqıdy. Bul rette oqý ornynda sport jáne akt zaldary, asqana joq, pándik kabınetter jetispeıdi. Jańa mektep 60 orynǵa arnalǵan. Ǵımarat zamanaýı bilim berý standarttaryna sáıkes jabdyqtalǵan. Nysannyń qurylysy bilim berýdiń qoljetimdiligi máselesin jáne mektepte oryn tapshylyǵy máselesin sheshýge múmkindik beredi: qazir aýylda 7 jasqa deıingi 28 turǵyn bar.
Búgingi tańda Úkimet arnaıy memlekettik qordan áleýmettik mańyzy bar nysandar salýǵa 58 mlrd teńge bóldi. Atap aıtqanda, 5 mektep, onyń ishinde bir mýzykalyq, 2 sport kesheni, kópfýnksıonaldy aýrýhana kesheni, jataqhana, 2 balabaqsha jáne jedel medısınalyq járdem stansasy bar. «Zańsyz ıemdenilgen aktıvterdi memleketke qaıtarý týraly» Zań sýbektileriniń qarajaty esebinen Arqalyq, Astana, Almaty qalalarynda birqatar áleýmettik ınfraqurylym nysanynyń qurylysy júrgizilýde.