Jyl basynan beri Qazaqstanda koronavırýs ınfeksıasyn juqtyrý 20 esege deıin kóbeıgen. Statısıkalyq derekter boıynsha, kúnine shamamen 700-ge jýyq adam aýrýhanaǵa jatqyzylady. Táýligine aýrýhanaǵa 483-ke jýyq pasıent tússe olardyń 252 adam emdelip shyǵady.
Almaty qalasynyń máslıhat depýtaty Shýhrad Shardınovtyń aıtýynsha, búginde anyqtalyp otyrǵan «Delta» shtammy jaǵdaıdy qıyndatyp otyr. Sebebi onyń saldarynan emdelýge muqtaj naýqastar sany turaqty túrde tirkelip jatyr. Qazirgi tańda AMSK mobıldi brıgadalary men Telemedısına ortalyǵynyń baqylaýynda 13 127 pasıent bar, olardyń 12 564-i aýrýdyń jeńil jáne ortasha belgileri bar sımptomdy naýqastar bolsa, 563-inde aýrý belgileri baıqalmaıdy.
Onymen qosa, jedel járdem qyzmetiniń jumysyna da suranys arta tústi. Tek Almatynyń ózinde ortasha eseppen bir saǵatta Covid-19 juqtyrǵan 30-ǵa jýyq adam stasıonarlarǵa jatqyzylǵan, al aýrý órshigen kezderde 130 juqtyrýshyǵa deıin, jumys júgi artqan kezde mınýtyna qaýipti vırýsty juqtyrǵan eki adamnan medısına qyzmetkerleriniń kómegine muqtaj bolǵan.
«Qazirgi ýaqytta aýrýhanalardaǵy tósek-orynnyń 70%-dan astamy naýqastarǵa toly. Eger juqtyrý qarqyny báseńdemese, tósek-oryn qorynyń kúshi jetpeýi de múmkin. Sol kezde biz sizdermen densaýlyq saqtaý júıesiniń kúıreýine jáne naýqastardyń bárin aýrýhanaǵa jatqyzý múmkindiginiń bolmaýy saldarynan adam óliminiń kóbeıýi máselelerimen ushyrasýymyz múmkin», - deıdi AKQZ» JSHS dırektorlar keńesiniń tóraǵasy.
«AKQZ» JSHS qyzmetkerleri elimizde alǵashqylardyń biri bolyp vaksınasıa alýdy qolǵa aldy. Búgingi tańda kásiporyn qyzmetkerleriniń 88,5%-dan astamy ekpe saldyrǵan. Shýhrad Shardınovtyń aıtýynsha, vaksına alýshy qyzmetkerler sany kún sanap kóbeıýde.
«Qurmetti qala turǵyndary, qazaqstandyqtar, men bárińizden aldyn alý jáne saqtyq sharalaryn ustanyp, vaksınasıanyń barlyq kezeńderinen ótýge, ózderińiz ben jaqyndaryńyzdyń, týǵan-týystaryńyzdyń ómirlerine qaýip tóndirmeýlerińizdi suraımyn. Bárińizge densaýlyq pen amandyq-saýlyq tileımin», - dedi Shýhrad Shardınov.