Qazirgi kezde saılaýshylar tizimi naqtylanyp jatyr.
Sanaýly kúnderden keıin Qazaqstanda aýyl ákimderiniń saılaýy ótedi. Uıymdastyrýshylar saılaý barysynda sanıtarlyq-epıdemıologıalyq talaptar oryndalatynyn aıtady, dep habarlaıdy Almaty-akshamy.kz.
QazAqparat agenttiginiń habarlaýynsha, saılaý ýchaskelerinde Ashyq júıesin paıdalaný múmkindigi qarastyrylýda. Sonymen qatar, barlyq saılaý ýchaskeleri jeke qorǵanys quraldarymen qamtamasyz etiledi: antıseptıkter, bir ret qoldanylatyn maskalar jáne qolǵaptar. Kireberistegi temperatýrany ólsheý jáne áleýmettik qashyqtyqty saqtaý mindetti. Táýekeldi azaıtý úshin daýys berý stendteriniń aldyńǵy perdeleri bolmaıdy.
«Aýyl ákimderiniń alǵashqy tikeleı saılaýyna birneshe kún qaldy. Bizdiń ortaq jumysymyz – olardyń ashyqtyǵyn, aıqyndyǵy men zańdylyǵyn qamtamasyz etý. Ár daýys mańyzdy. Aýyl turǵyndary kelip, óz tańdaýyn jasap, ózderiniń konstıtýsıalyq saılaý quqyǵyn iske asyra alýy qajet», – dep atap ótti Qaraǵandy oblysynyń ákimi Jeńis Qasymbek.
Resmı statısıka boıynsha, Qazaqstan halqynyń 40%-dan astamy aýyldyq eldi mekenniń turǵyny retinde tirkelgen. Iaǵnı aýyldyq aýmaqtardy basqarýdyń tıimdi tetigin qalyptastyrý isine Qazaqstan azamattarynyń 40%-dan astamy atsalyspaq.
Zań boıynsha aýyldyq aýmaqtardyń 2 346 ákimi budan bylaı tikeleı saılaý arqyly anyqtalýy tıis. Bıyl sonyń 775-i óz taǵdyryn aıqyndaıdy.