Shara aıasynda «Ekeýmiz» dramasy qoıylady.
M.Áýezov atyndaǵy Qazaq ulttyq drama teatrynda 2023 jyldyń 18 mamyr kúni Ulttyq teatr mýzeıine 55 jyl tolýyna oraı MÝZEI TÚNİ sharasy ótedi, dep habarlaıdy Amaty-akshamy.kz.
Mádenı sharanyń maqsaty – qazaq óneriniń qara shańyraǵy, ǵasyrǵa jýyq tarıhy bar Muhtar Áýezov atyndaǵy Qazaq ulttyq drama teatry mýzeıiniń 55 jyldyq mereıtoıyna oraı uıymdastyrylyp otyrǵan «Mýzeı túni» is-sharasy qarsańynda qara shańyraqtyń óner belesterin, belgili óner tulǵalarynyń maıly boıaýmen salynǵan portretterin, ártúrli qoıylymdarda kıgen iri tulǵalardyń teri sińgen sahnalyq kıimderin, marapattaryn, medaldaryn, alǵys hattaryn, qoldanǵan buıymdaryn, ár spektáklderden túsirilgen sýretterin, baspasóz basylymdaryna shyqqan maqalalaryn, zertteýlerin, esseler men ocherkterin, t.b. jınaqtalǵan qundy jádigerlermen óner súıer qaýym men óskeleń urpaqtarǵa tanystyrý.
- Saǵat 16.30-da «Teatr jáne mýzeı: qazirgi tańdaǵy teatr mýzeıleriniń ózekti másesleleri» atty dóńgelek ústel (Almaty qalasyndaǵy memlekettik mýzeı qyzmetkerleri, teatrtanýshylardyń qatysýymen).
- Saǵat 18.30-da O.Janaıdarovtyń «Ekeýmiz» dramasy qoıylady. Rejıseri – N.Dýbs.
- Saǵat 20.30-da teatr mýzeı qorynan suryptalyp alynǵan 55 jyldyqqa oraı 55 tulǵanyń portretteri ilingen kórmeniń ashylý saltanaty ótedi (osy keshte belgili artıserdiń qatysýymen teatrlandyrylǵan qoıylymdardan úzindiler qoıylyp, ǵasyrǵa jýyq saqtalǵan sahnalyq kıimderdiń sherýi ótip, tanymal ánshilerdiń oryndaýynda ánder shyrqalyp, teatr tarıhynan syr shertetin derekti fılmder kórsetiledi).