Qyrǵyz jerinde qansha qazaq bar?
Bishkekte «Otandastar» qorynyń prezıdenti Nurtaı Abyqaevtyń tóraǵalyǵymen Qyrǵyzstanda turatyn qazaqtardyń kezdesýi ótti, dep habarlaıdy Almaty-akshamy.kz
24.kz saıtynyń aqparatyna sáıkes, atalǵan kezdesý Alykýl Osmonov atyndaǵy ulttyq kitaphanada uıymdastyryldy. Osy mekemede Abaı atyndaǵy qyrǵyz-qazaq ortalyǵy ekinshi jyl jumys istep keledi. Endi munda qazaqtardyń dúnıejúzilik qaýymdastyǵy men «Otandastar qorynyń» bastamasymen ashylǵan «Abaı úıi» mádenı-iskerlik ortalyǵy ornalasady.
Onyń tusaýkeserine eki respýblıkanyń depýtattary, ǵylymı qaýym ókilderi jáne kórshi elde qazaq mádenıetin nasıhattaýǵa úles qosyp júrgen qandastar qatysty.
Elshilik málimetinshe, Qyrǵyz Respýblıkasynda 39 myńdaı qazaq turady.
«Bul kezdesýde olardyń kókeıinde júrgen basty máseleler, olardyń jobalary talqylanyp, solarǵa qoldaý kórsetý tetikteri pysyqtalady. Bul is-sharaǵa Qazaqstan Respýblıkasy Parlamentiniń depýtattary qatysýda, qyrǵyz tarapynan da óte joǵary deńgeıde ótip jatyr», - deıdi «Otandastar qory» komersıalyq emes aksıonerlik qoǵamnyń vıse-prezıdenti Maǵaýıa Sarbasov.