Eger sizge qate aıyppul salynsa (kólik erejesin buzý, qoǵamdyq oryndarda temeki shegý jáne t.b.), qamqor.gov.kz saıty arqyly óz betińizshe shaǵymdana alasyz, dep habarlaıdy almaty-akshamy.kz.
Ol úshin saıttyń basty betinde «Ákimshilik quqyq buzýshylyq týraly shaǵym» qyzmetin tańdap, ESQ arqyly avtorızasıadan ótý kerek. Ary qaraı ákimshilik isti izdeý terezesi ashylady. Sodan keıin is nómirin engizip, izdeý batyrmasyn basý kerek. Eger nómir durys bolmasa, qate týraly habarlama shyǵady. Bári durys engizilse, tabylǵan is pen «Shaǵymdaný» batyrmasy kórsetiledi. Ekranda toltyrý qajet saýalnama paıda bolady: shaǵym mazmuny, kinásiz ekenińizdiń dáleli jáne t.b. Sodan keıin ESQ arqyly qol qoıyp, shaǵymyńyzdy jiberińiz.
Jol qozǵalysy erejesin buzý hattamasyn qalaı júktep alýǵa bolady?
Sol saıtta «Aıyppuldar týraly bilý» bólimine ótip → Jeke kabınetińizge kirip → ESQ arqyly kirińiz → Aıyppulyńyz kórsetiledi → Ekrannyń oń jaq buryshyndaǵy qujat belgishesin basyńyz → Protokol: kórý jáne júktep alý.