Air Astana áýe kompanıasynyń ushaǵy aqaýǵa baılanysty Aqtaý áýejaıyna shuǵyl túrde qonýǵa májbúr boldy, dep habarlaıdy aqshamnews.kz.
Kompanıa baspasóz qyzmeti bul jaǵdaıǵa baılanysty túsinik berdi. Ondaǵy málimetke súıensek, 8 qańtarda Almaty - Antalá baǵyty boıynsha KS915 reısin oryndaıtyn Airbus A321 ushaǵy áýejaıdan jergilikti ýaqyt boıynsha 08:35-te ushyp ketken. Alaıda tehnıkalyq sebeppen ushaq Aqtaý áýejaıyna shtattyq rejımde qonǵan. Buǵan ortalyq baktyń otyn júıesiniń saqtandyrǵysh klapanynyń aqaýlyǵy sebep bolǵan.
Reıs Almatydan qosalqy bólikti jetkizý qajettiligine baılanysty 9 qańtarda saǵat 09: 20-ǵa aýystyryldy. Jolaýshylarǵa tamaq berilip, qonaq úıge ornalastyryldy. Osyndaı sharalar Antaládaǵy jolaýshylarǵa qatysty da qoldanylýda,-delingen málimette.