Bul reıtıń jolaýshylarǵa ushar aldynda qosymsha senim beredi.
Air Astana aýekompanıasy Skytrax-tyń COVID-19 taralýyn boldyrmaý boıynsha sertıfıkattaýdan ótip, joǵary reıtıńke ıe boldy, dep habarlaıdy Almaty-akshamy.kz.
Áýe kompanıasynyń baspasóz qyzmetiniń málimeti boıynsha, Air Astana Skytrax-tyń COVID-19 taralýyn boldyrmaý boıynsha sertıfıkattaýdan mamyr-maýsym aılarynda uıymdastyrylǵan aýdıt qortyndysy boıynsha ótti.
Aýdıt pandemıa jaǵdaıynda Nur-Sultan men Almaty qalalaryndaǵy Air Astana nysandaryndaǵy densaýlyqty qorǵaý men tazalyq sharalaryna taldaý jasady.
Aýdıt barysynda tazalaý men dezınfeksıa reti, jeke gıgıena quraldarynyń standarttary men qoldaný erejeleriniń saqtalýy, aqparattyq-tanymdyq belgiler men dezınfeksıalaý quraldarynyń bolýy, áleýmettik araqashyqtyqtyń saqtalýy men reıske tirkelý, qoný men ushý kezinde sanıtarlyq betperdelerdi qoldaný baǵalandy.
«Pandemıanyń alǵashqy kúninen bastap Air Astana jolaýshylardyń densaýlyǵyn qorǵaý maqsatynda barlyq qajetti sharalardy saqtaýda. Bul mindetti oryndaýdaǵy adaldyǵymyz búgingi Skytrax sertıfıkatty alýymyzǵa sebep boldy. Bul jolaýshylarymyzǵa ushar aldynda qosymsha senim beretinine senimdimin»,– dedi Air Astana prezıdenti Pıter Foster.
Skytrax-tyń Bas dırektory Edvart Pleısted "Air Astana COVID-19 táýekelin azaıtý maqsatynda ádistemege júgindi. Aýdıt áýe kompanıasynyń borttaǵy gıgıena boıynsha sanıtarlyq talaptardy saqtaý men pandemıa kezinde qyzmet kórsetýdi oryndaǵanyn erekshe atap ótti», - dedi.
Esterińizge sala ketsek, bıyl Air Astana áýekompanıasy APEX reıtinginde ushý kezinde COVID-19 taralýyn boldyrmaý jáne azaıtý boıynsha Diamond deńgeıin ıelengen bolatyn.
Búginde Air Astana áýe kompanıasynyń jolaýshylardyń densaýlyǵy úshin qaýipsizdik sharalaryn tolyq saqtaıtynyn taǵy bir ret dáleldedi.