Elimizdiń birqatar óńirindegi sý tasqynynan týyndaǵan aýyr jaǵdaıdan zardap shekkenderge kómek kórsetý maqsatynda Air Astana toby Samruk Kazyna Trust qoryna 1 mıllıard teńge aýdarady, dep habarlaıdy almaty-akshamy.kz.
Kompanıa málimetinshe, top ujymy óńirge jiberiletin gýmanıtarlyq kómekti uıymdastyrýda.
Air Astana toby sý tasqynynan zardap shekken mekenderge gýmanıtarlyq júkterdi tegin tasymaldaýdy jalǵastyrýda. Búgingi tańda top Air Astana jáne FlyArystan ushaqtarymen Almatydan Oralǵa jáne Almaty men Astanadan Atyraýǵa 8 myń kg gýmanıtarlyq júkti tegin tasymaldap, aldaǵy reıstermen qosymsha 12 myń kg astam júk jetkizýdi josparlap otyr. Gýmanıtarlyq júkti tasymaldaýdy odan ary jalǵastyrýǵa nıetti, - delingen málimette.
Air Astana 9 sáýirde Almatydan Atyraýǵa jáne keri oryndalatyn reısterden basqa, 10, 11 jáne 12 sáýir kúnderi de Almatydan Atyraýǵa jáne keri baǵytta qosymsha reısterin júzege asyrady.