«Birtutas tárbıe» baǵdarlamasynyń aıasynda Túrksib aýdanynyń №59 mektep-gımnazıasynda mektepishilik teatr ashyldy. «Teatr – ómirdiń aınasy» demekshi, mektep teatrynyń negizgi kórermenderi oqýshylar men ustazdar, ata-analar bolǵandyqtan mektep teatry «Aına» degen ataýǵa ıe boldy.
Teatrdyń jumysy aqıyq aqyny Muqaǵalı Maqataevtyń «Aqqýlar uıyqtaǵanda» poemasynyń jelisinde jazylǵan pesalyq qoıylymmmen bastaldy.
Oqýshylardyń sahnadaǵy shynaıy beınesin kórgen kórermender de kózderine jas aldy. Bul balalardyń aqynnyń shyǵarmasyn túsinip, túısine bilgenin kórsetse kerek. Qoıylym barysynda rýhanı, adamgershilik qundylyqtardy oqýshynyń boıyna teatr arqyly darytýǵa bolatynyn baıqadyq. Sahnalyq qoıylym bala tárbıesindegi taptyrmaıtyn erekshe tárbıe ádisi ekenin dáleldedi. Sahnada ataqty óner ıeleriniń izbasarlary ósip kele jatqanyn baıqadyq. Búgingi aýmaly –tókpeli ýaqytta mektep oqýshylaryn shynaıy rýhanı baılyqqa, ulttyq qundylyqtarǵa úıretemin degen janǵa ónegeni ónerden bastaǵan abzal degimiz keledi.
Mektebimizdiń qazaq tili men ádebıeti pániniń muǵalimi Baqyt Aqatqyzy jetekshilik etken «Aına» mektepishilik teatry áli talaı sahnada qazaq ónerin damytýǵa atsalysady degen oıdamyz.
