Qańtar oqıǵasyndaǵy oqıǵalardyń bári bılikti kúshpen basyp alý maqsatymen uıymdastyrylǵan. Quqyq qorǵaýshy Aıman Omarova Májilistiń jalpy otyrysynda osyndaı pikir bildirdi, dep habarlaıdy Almaty-akshamy.kz QazAqparatqa silteme jasap.
«Qańtar kúnderinde ne bolǵanyn bári bilgisi keledi. Bul beıbit mıtıńiler boldy ma álde bılikti kúshpen basyp alý áreketi boldy ma? Qańtar oqıǵalarynyń negizi bılikti kúshpen tartyp alý áreketi bolǵany kúmánsiz dep topshylaımyz. Qylmystyq quqyq buzý faktileriniń bári osy basty maqsatqa qol jetkizýdiń tásili bolǵan. Bılikti kúshpen basyp alýdyń Qylmystyq kodekstiń 179-babynyń 2) bóliginde mynandaı dıspozısıasy bar. «Bılikti kúshpen basyp alýǵa baǵyttalǵan áreketter nemese bılikti kúshpen ustap turý áreketteri – Qazaqstan Konstıtýsıasyn buzý nemese Qazaqstan Respýblıkasyny konstıtýsıalyq qurylymyn kúshpen buzý», - dedi zańger.
Sondaı-aq, oqıǵany turaqtandyrýda Prezıdenttiń róli qandaı bolǵanyn atap ótti.
«Bul haosty Prezıdent qana óziniń áreketimen toqtatyp, memlekettik saqtap qala aldy. Muny atap aıtý kerek», - dedi Aıman Omarova.