Almaty ákiminiń halyqpen kezdesýi - bul máselelerdi sheshýge jáne daý-shardy retteýge yqpal etetin ashyq dıalog.
Turǵyndardyń sózine qulaq asý zań buzýshylyqtardy ýaqytyly joıýǵa jáne isti oń sheshilýine múmkindik beredi, dep habarlaıdy Almaty-akshamy.kz.
Máselen, Erbolat Dosaevtyń 2023 jylǵy 26 shildedegi Alataý aýdanynyń turǵyndarymen kezdesýiniń qorytyndysy boıynsha «Áıgerim» shaǵyn aýdanyndaǵy ótinish berýshiniń máselesin sheshý 2 kúnge sozyldy.
Aýdan turǵyny konteınerdi zańsyz ornatýǵa jáne jerdi zańsyz basyp alýǵa shaǵymdandy.
Aqparattyń anyq-qanyǵyn Alataý aýdanynyń ákimi A.Qaldybekov, Alataý aýdany boıynsha qalalyq josparlaý jáne aýmaqty damytýdy úılestirý qyzmetiniń jáne jer resýrstaryn basqarý departamentiniń basshylyǵy baryp tekserdi.
Ákimdik ókilderi konteıner ornatylǵan jer 2018 jyldan bastap qala rezervinde ekenin anyqtady.
Tıisinshe, ony jekemenshikke berý múmkin emes. Mýnısıpaldyq menshikke «Áıgerim» shaǵyn aýdannyń ınspektory Baltabaıuly Sábıt qol suǵýǵa árekettendi.
Jerdi ıelenýge quqyǵyna dálel retinde ol ádilet organdarynda tirkelmegen 1998 jylǵy zańsyz sheshimdi kórsetti.
Tekserý nátıjesinde ınspektordy qyzmetten bosatý týraly sheshim qabyldandy.
Jumystan bosatý týraly buıryq qala ákiminiń apparatyna jiberildi.