Áıelderdiń ómir súrý uzaqtyǵy 78,4 jasty qurady
Áıelderdiń ómir súrý uzaqtyǵy erlerge qaraǵanda 8 jylǵa kóp. Almaty-akshamy.kz bul týraly Ulttyq statısıka búrosyna silteme jasap habarlaıdy.
2022 jyly halyqtyń ómir súrý uzaqtyǵy 74,4 jasty qurady. Kórsetkish bir jylda 4,2 jasqa artty. 2020-2021 jyldary ómir súrý uzaqtyǵy kóp jylǵy ósimnen keıin alǵash ret tómendegen bolatyn, tıisinshe – 71,3 jáne 70,2 jas.
Genderlik turǵydan alǵanda áıelderdiń ómir súrý uzaqtyǵy 78,4 jasty qurady, 2021 jyl 74 jas bolǵan. Al erler arasynda bul kórsetkish 70,2 jasqa deıin ósti, buǵan deıin sońǵy 5 jylda 68,8 jas deńgeıinen kóterilmegen edi.
Óńirlik bóliniste Almaty qalasynda ómir súrý uzaqtyǵy eń joǵary – 77,3 jas, eń tómeni Ulytaý oblysynda – 71,4 jas.