Qaraǵandy saıabaǵynda áıel men bala mingen atraksıon kabınasy qulady, dep habarlaıdy aqshamnews.kz.
Qaraǵandy saıabaqtar basqarmasynyń habarlaýynsha, zardap shekkenderdi oqıǵa ornynda dárigerler tekserip, úılerine jibergen.
«Atraksıon jeke tulǵaǵa tıesili. Osy jyldyń basynda maýsym bastalar aldynda park tehnıkalyq saraptamadan ótkizilgen (mamyr aıynda) lısenzıasy bar kompanıa. Park ıesiniń barlyq qujattary bar, zańdastyrylǵan», - delingen habarlamada.
Oblystyq polısıa departamenti bul fakti boıynsha QR Qylmystyq kodeksiniń 306-baby 2-bóligi boıynsha qylmystyq is qozǵalǵanyn habarlady. Qazirgi ýaqytta mán-jaı anyqtalýda.