QR İİM Ulttyq ulany «Ońtústik» óńirlik qolbasshylyǵynyń jaýyngerlik qarýdan atý boıynsha jeke komandalyq birinshiligi Shymkenttegi 6506 áskerı bóliminiń “Aqtas” oqý ortalyǵynyń bazasynda ótti, dep habarlaıdy almaty-akshamy.kz.
«Ońtústik» óńirlik qolbasshylyǵynyń dene shynyqtyrý jáne sport bastyǵy podpolkovnık Salaýat Tóreǵalıevtiń jetekshiligimen ótken jarysqa Almaty, Shymkent, Taraz, Qyzylorda jáne Taldyqorǵan qalalarynan Ulttyq ulannyń 50-den astam áskerı qyzmetshisi qatysty. Sondaı-aq, saıysta atys qarýyn atý daǵdylaryn áıel áskerı qyzmetshiler de kórsetti.
Jattyǵýlarda Makarov tapanshasy, Kalashnıkov avtomaty jáne Dragýnovtyń mergendik vıntovkasy qoldanyldy.
Eki kúndik jarystyń qorytyndysynda birinshi jalpy komandalyq oryndy 5547 áskerı bóliminiń komandasy (Qyzylorda qalasy), ekinshi oryndy 5513 áskerı bóliminiń komandasy (Taraz qalasy), al úshinshi oryndy 6698 áskerı bóliminiń komandasy (Shymkent qalasy) ıelendi.
“Bul jarystar áskerı qyzmetshilerge ózderiniń daǵdylary men kásibılikterin kórsetýge múmkindik berip qana qoımaı, Ulttyq ulannyń jaýyngerlik daıyndyǵyn nyǵaıtýǵa septigin tıgizdi. Barlyq jeńimpazdy quttyqtaımyn. Biz qarýdy tek oqý maqsatynda qoldanamyz dep úmittenemin”, - dedi “Ońtústik” óńirlik qolbasshylyǵy qolbasshysynyń orynbasary polkovnık Pavel Sıtnıkov.