Kompanıanyń Dırektorlar keńesiniń sheshimimen Aıymbetov Aıdyn Aqanuly «Qazaqstan Ǵarysh Sapary» UK» AQ Basqarmasynyń tóraǵasy laýazymyna taǵaıyndaldy, dep habarlaıdy almaty-akshamy.kz QR Sıfrlyq damý, ınovasıalar jáne aeroǵarysh ónerkásibi mınıstrliginiń baspasóz qyzmetine silteme jasap.
Aıdyn Aıymbetov 1972 jyly Taldyqorǵan oblysynda dúnıege kelgen. QR Áskerı-áýe kúshteri qatarynda ushqysh-jaýynger jáne áýe komandıri retinde qyzmet atqardy.
2015 jylǵy qyrkúıekte «Soıýz TMA-18M» ǵarysh kemesiniń bortınjeneri retinde Halyqaralyq ǵarysh stansıasyna ushty. Qazaqstan Respýblıkasynyń kvazımemlekettik jáne memlekettik sektorlarynda basshylyq laýazymdarynda jumys atqardy:
2009-2010 jj. – QR Ulttyq ǵarysh agenttigi Tóraǵasynyń keńesshisi; 2010-2011 jj. – QR UǴA Ǵarysh qyzmetin damytý departamentiniń dırektory;
2011-2014 jj. – «UǴZTO» AQ «Sultanǵazın atyndaǵy ǵaryshtyq zertteýler ınstıtýty» EJSHS Ǵaryshtyq tehnologıalardy aqparattyq-oqytýshylyq qamtamasyz etý basqarma basshysynyń orynbasary;
2014-2016 jj. – «UǴZTO» AQ «Ǵaryshtyq tehnıka jáne tehnologıalar ınstıtýty» EJSHS dırektorynyń orynbasary;
2016-2019 jj. – «Qazaqstan Ǵarysh Sapary» UK» AQ Ǵarysh júıelerin jasaý jáne paıdalaný jónindegi vıse-prezıdenti.
2019-2021 jj. – «Qazaqstan Ǵarysh Sapary» UK» AQ Basqarma tóraǵasynyń orynbasary-Óndiris jónindegi basqarma múshesi;
2021 jylǵy 13 qyrkúıekten bastap «Qazaqstan Ǵarysh Sapary» UK» AQ Basqarma tóraǵasy bolyp tabylady.
Aıdyn Aıymbetov - QR ushqysh-ǵaryshkeri, áýe general-maıory. «Halyq Qaharmany», «Qazaqstannyń ǵaryshker-ushqyshy», «Otan» ordeni memlekettik nagrada men qurmetti ataqtaryna ıe.