Jekpe-jek ýaqyty belgili boldy.
Qazaq boksshysy Aıdos Erbosynulynyń (15-0, 10KO) kezekti jekpe-jegi qashan ótetini anyqtaldy, dep habarlaıdy Almaty-akshamy.kz Prosports.kz saıtyna silteme jasap.
Jerlesimiz aldaǵy kezdesýde WBA nusqasy boıynsha ekinshi orta salmaqtaǵy álem chempıony ataǵyna mindetti úmitker atanýǵa tyrysyp kóredi.
Otandasymyzdyń qarsylasy Gaıana ókili, 36 jastaǵy Allen Lennoks (22-1-1, 14KO). Jekpe-jek 12 qyrkúıekte ótedi, orny qazirshe belgisiz. Biraq buǵan deıin jekpe-jekti Qazaqstanda ótkizý jóninde kelissóz júrgizilgen.
Sondaı-aq, byltyr jeltoqsanda Nur-Sultanda ótken boks keshinde Aıdos Erbosynuly ganalyq Issa Samırdi (19-1, 16KO) úshinshi raýndta nokaýtpen jeńip, WBC Asia, WBA International jáne WBO Global chempıondyq belbeýlerin sátti qorǵaǵan edi.