Mádenıet jáne sport mınıstriniń buıryǵymen Aıdos Merekeuly Sákenov Týrızm ındýstrıasy komıtetiniń tóraǵasy qyzmetine taǵaıyndaldy, dep habarlaıdy Almaty-akshamy.kz Premer-Mınıstrdiń baspasóz qyzmetine silteme jasap.
Aıdos Sákenov 1987 jyly Óskemen qalasynda dúnıege kelgen. L. Gýmılev atyndaǵy Eýrazıa ulttyq ýnıversıtetin, L. Goncharov atyndaǵy Qazaq avtomobıl-jol ınstıtýtyn, QR Prezıdenti janyndaǵy Memlekettik basqarý akademıasyn, Lıds ýnıversıtetin támamdaǵan.
Eńbek jolyn 2008 jyly QR Kólik jáne komýnıkasıa mınıstrliginiń Avtomobıl joldary komıtetiniń paıdalaný basqarmasy sarapshysynyń m.a. bolyp bastady.
2009-2014 jyldary — QR Kólik jáne komýnıkasıa mınıstrliginiń qurylymynda ártúrli qyzmetter atqarǵan.
2014-2016 jyldary — QR Investısıalar jáne damý mınıstrliginiń Avtomobıl joldary komıtetiniń sarapshysy.
2016-2018 jyldary — Almaty qalasy Kásipkerlik jáne ındýstrıalyq-ınnovasıalyq damý basqarmasynyń jeke kásipkerlikti qoldaý jáne damytý bóliminiń basshysy.
2018-2020 jyldary — Pavlodar oblysynyń Kásipkerlik jáne saýda basqarmasy basshysynyń orynbasary.
2020 jylǵy mamyr aıynan bastap qazirgi ýaqytqa deıin QR Mádenıet jáne sport mınıstrliginiń Týrızm ındýstrıasy komıteti tóraǵasynyń orynbasary qyzmetin atqardy.