Qabatovtyń sońyn ala tanymal prodúser Gúlzıra Aıdarbekova da ushaqta shý shyǵaryp, bortserikpen kıkiljińge kelip qaldy, dep habarlaıdy almaty-akshamy.kz.
Gúlzıra Aıdarbekova Instagram paraqshasynda óziniń ushaqtaǵy jaǵdaıyn baıandady. Ol elge aman-esen oralýyna qýanyp otyrǵanyn, biraq ushaqta bolǵan keleńsiz oqıǵa ony ashýlandyrǵanyn aıtty.
"Elge ushyp kelemin. Otbasymyzǵa aman-esen oralaıyq! Qatty qýanyp kele jatyrmyn. Elge saǵynyp jetemin. Qydyrǵan jaqsy, úıińde bolǵan odan da jaqsy. Ushaqta adam az eken. Jańa uıyqtaımyn dep otyr edim. Bordserik qyzben urysyp qaldym. Nege deısizder me? Men odan eki túrli dám suradym. Biri – sıyr eti, ekinshisi ashshy «taýyq eti». «Bizde ol qalmady, bitip qaldy» dep tur. Ushaqta adam az. Qalaı bitip qalady?! Túsiniksiz. Biz ne úshin bıznes klaspen ushamyz?! Qazaqstanda da osyndaı másele aldyńnan shyǵa beredi. Negizi ash ta emespin. Óıtkeni úıge barǵan saıyn kelinderim súrlengen etin asyp, kútip alady. Sonda da bulardyń tirlikterine tańǵaldym, ashýlandym. Aqshany alǵanda báledeı ózderi. Osy ushaqqa mysaly úshin, 455 myńǵa bılet aldym. Endi sony qalaısha rettemeıdi bular?! Sol aqshanyń ishine tamaqty nege kirgizbeıdi? Bulardiki múldem durys emes," – dep jazdy Gúlzıra Úsenqyzy.
Ol sózin túsinip, keshirim suraǵanyn da aıtyp ótti.
Eske sala ketsek, buǵan deıin Tursynbektiń ushaqtaǵy áreketi úshin qamaýǵa alynǵany jaıynda jazǵan bolatynbyz.