Almatyda Dostyq úıinde Qazaqstan Respýblıkasy Prezıdenti Ákimshiligi basshysynyń orynbasary Aıda Balaevanyń respýblıkalyq etnomádenı birlestikterdiń basshylarymen jáne Qazaqstan halqy Assambleıasynyń qoǵamdyq qurylymdarynyń aktıvimen kezdesýi ótti, dep habarlaıdy Almaty-akshamy.kz QHA-nyń baspasóz qyzmetine silteme jasap.
Jumysqa QHA tóraǵasynyń orynbasary – hatshylyq meńgerýshisi M.Ázilhanov qatysty. Jumys barysynda A.Balaeva Assambleıanyń qańtar oqıǵalary kúnderi júrgizgen jumysyna oń baǵa berdi, sondaı-aq Qazaqstan Prezıdenti Q.K.Toqaevtyń sońǵy sóılegen sózderinde qoıylǵan mindetterge egjeı-tegjeıli toqtaldy.
Prezıdent Ákimshiligi basshysynyń orynbasary óz sózinde búginde basty nazarda «Jańa Qazaqstandy birge quraıyq!» degen ortaq ıdeıamen biriktirilgen jasampaz kún tártibiniń turǵanyn atap ótti.
«Memleket basshysy áleýmettik-ekonomıkalyq jáne qoǵamdyq-saıası salalarda alda turǵan jumystyń negizgi basymdyqtaryn naqty belgilep berdi. Sondaı-aq «qoǵamda túıtkildi problemalardy sheshý joldarynyń aıqyn kórýin» atap ótti. Onyń aıtýynsha, Nur Otan partıasynyń sezi kókeıkesti ózgeristerdiń ýaqyty kelgenin, eldi jan-jaqty jańǵyrtýdyń aýqymdy kún tártibiniń turǵanyn aıqyn kórsetti», - dedi Aıda Balaeva.
Osy oraıda ol Qazaqstan halqy Assambleıasynyń mindetterine naqty toqtalyp, «Jańa Qazaqstandy birge quraıyq!» ıdeıasynyń Assambleıa úshin baǵdarlamalyq sıpatqa ıe ekenin basa aıtty.
Kezdesý barysynda Assambleıanyń aldaǵy is-sharalarynyń daıyndyq máseleleri talqylandy. Memleket basshysynyń QHA-nyń barlyq qurylymynda qoǵamdyq kelisim men birlikti nyǵaıtý jónindegi tapsyrmalaryn iske asyrý boıynsha úılesimdi jumys júrgizý qajettigi atap ótildi.