QR Mádenıet jáne sport mınıstrligi «Aıboz» ulttyq ádebı syılyǵyna shyǵarmalardy qabyldaýdy bastady. Ádebı syılyqtyń jalpy júlde qory – 35 mln teńge. Ár nomınasıaǵa 5 mln teńgeden qarastyrylǵan, dep habarlaıdy Almaty-akshamy.kz Mádenıet jáne sport mınıstrligine silteme jasap.
Ulttyq syılyqqa «Úzdik proza», «Úzdik poezıa», «Úzdik drama», «Úzdik ádebı aýdarma», «Úzdik balalar ádebıeti», «Úzdik ádebı syn», «Úzdik komıks» nomınasıalary boıynsha shyǵarmalar qabyldanady. Baıqaýǵa otandyq qalamgerler qatysa alady jáne úmitkerlerdiń jas ereksheligine baılanysty shekteý joq.
Úmitkerler ótinimderin 2023 jylǵy 1 mamyr – 1 qyrkúıek aralyǵynda www.aiboz.kz saıty arqyly jiberý qajet. Ádebı syılyq jyl sońynda tabystalady.
««AIBOZ» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq. Baıqaýǵa buryn-sońdy esh jerde jarıalanbaǵan shyǵarmalar ǵana qabyldanady. Bul qazaq ádebıetiniń qory 7 nomınasıa boıynsha júzdegen jańa týyndylarmen tolyǵady degen sóz. Sondaı-aq qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyqty ári zamanaýı shyǵarmalar jol tartady»,- dedi QR MSM Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.