Ortalyq qalalyq klınıkalyq aýrýhanaǵa oń aıaǵynyń parezparezi dıagnozymen naýqas tústi.
Kóptegen jyldar boıy naýqasty omyrtqadaǵy aýrýlar mazalaǵan. Jaǵdaıy kún saıyn nasharlaı bergen: aıaqtyń álsizdigi kúsheıip, arqada aýyrsyný paıda boldy, júrý qıynǵa soqty, bul ómir sapasyn aıtarlyqtaı tómendetti. Sheshim izdep, naýqas qaıta keńes alýǵa júgindi.
Aıaqtyń parezi — bul júıke júıesiniń zaqymdalýynan týyndaıtyn, tómengi aıaq bulshyqetterindegi qozǵalys qabiletiniń jartylaı joǵalýy nemese álsireýi. Tolyq paralıchten (plegıadan) aıyrmashylyǵy, parezde qozǵalystar saqtalady, biraq álsiz jáne shekteýli bolady.
Jan-jaqty tekserýden keıin julyn kanalynyń birneshe stenozy dıagnozy qoıyldy, bul hırýrgıalyq aralasýdy qajet etetin dıagnoz.
Otany MÁMS sheńberinde OQKA neırohırýrgıa bólimshesiniń meńgerýshisi Marat Almatov oryndady.
Bul julyn kanalyn dekompressıalaýǵa baǵyttalǵan zergerlik, joǵary dáldiktegi neırohırýrgıalyq prosedýra boldy. Dárigerler julyn men júıke tamyrlarynyń qysylýyn joıýy kerek edi, bul óte úlken dáldikti qajet etti, óıtkeni jumys omyrtqanyń eń kishkentaı qurylymdarymen júrdi.
Ota sátti ótti! Aralasýdan keıin qan aınalymyn qalpyna keltirýge, nervterdegi qysymdy jeńildetýge jáne naýqastyń qozǵalys belsendiligin jaqsartýǵa múmkindik týdy. Otadan keıingi erte kezeńde ol ál-aýqattyń aıtarlyqtaı jaqsarǵanyn, aýyrsyný sındromynyń tómendeýin jáne aıaqtaǵy kúshtiń oralǵanyn atap ótti.
Qazir naýqas dárigerlerdiń baqylaýynda jáne ońaltý kýrsynan ótýde. Ýaqtyly dıagnoz qoıý jáne neırohırýrgtardyń joǵary sheberligi arqasynda ol belsendi ómirge aýyrtpalyqsyz jáne shekteýsiz oralýǵa múmkindik aldy!