19 jastaǵy Aıajan Edilovany aıaýsyz óltirgen qylmysker 25 jylǵa bas bostandyǵynan aıyryldy, dep habarlaıdy Almaty-akshamy.kz
Almatydaǵy mamandandyrylǵan aýdanaralyq qylmystyq sotynyń sýdıasy Erkin Maıshynov osyndaı úkim shyǵardy. Boıjetkenniń ómirin qıǵan adam Qylmystyq kodekstiń 120 jáne 99-baby boıynsha kináli dep tanyldy.
Ol jazasyn qaýipsizdigi barynsha joǵary mekemede óteıtin boldy. Jábirlenýshi tarap sottalýshydan 26 mıllıard 358 mıllıon teńge mólsherinde moraldik zalal óndirýdi talap etken eken. Sýdıa bul aryzdy ishinara qanǵattandyryp, 20 mıllıon teńge dep belgiledi.
Esterińizge sala keteıik, Almaty turǵyny Aıajan Edilova bıyl 19 naýryzda jumystan shyqqan soń joǵalyp ketedi. Birneshe kúnnen keıin kisi qolynan qaza tapqany anyqtalady.