Almaty qalasynyń Óńirlik komýnıkasıalar qyzmetiniń alańynda Ahmet Jubanov atyndaǵy daryndy balalarǵa arnalǵan respýblıkalyq mamandandyrylǵan qazaq mýzykalyq mektep-ınternatynyń 60 jyldyǵyna arnalǵan brıfıń ótti, dep habarlaıdy aqshamnews.kz
Mereıtoıǵa oraı saltanatty gala-konsert 2 jeltoqsanda Almaty teatr saraıynda ótedi. Qonaqtar qatarynda Mádenıet jáne aqparat mınıstri Aıda Balaeva, Qazaqstannyń belgili óner qaıratkerleri men qoǵamdyq kóshbasshylary qatysady dep kútilýde. Keshtiń basty qatysýshylary - mekteptiń talantty oqýshylary bolmaq, olardyń qoıylymdary kórermenderge jarqyn emosıalar syılaıtyny sózsiz.
«1964 jyly kórnekti kompozıtor Ahmet Jubanovtyń bastamasymen qurylǵan mektep aýyldyq jerlerdegi daryndy balalarǵa eýropalyq jáne álemdik mýzyka ónerimen tanysýǵa múmkindik berý maqsatynda esigin aıqara ashty», – dedi mektep dırektory, Qazaqstan Respýblıkasynyń Eńbek sińirgen qaıratkeri Nurken Áshirov.
Artta qalǵan alty onjyldyqta mektepten 1000-nan astam mýzykant túlep ushti, olardyń kópshiligi álemdik sahnalarda tanymadylyqqa ıe boldy. A.Raıymqulova, B. Demeýov, T. Zabırova, A. Eńgepov sıaqty mektep túlekteri Qazaqstandy halyqaralyq arenada tanystyryp qana qoımaı, ulttyq mádenıettiń damýyna da úles qosýda.
Búgingi tańda mektep bedeldi halyqaralyq baıqaýlarda tabysty óner kórsetetin jas talanttardy tárbıeleýdi jalǵastyrýda. Onyń oqýshylary sheteldik mamandardan joǵary baǵa alyp júr jáne mekteptiń aımaqtaǵy jetekshi mýzykalyq mekemelerdiń biri retindegi mártebesin rastap keledi.
Uıymdastyrýshylar mereıtoılyq konsertti jazyp alyp, ony Qazaqstannyń mádenıet tarıhynda saqtap qalý úshin efırde kórsetýdi josparlap otyrǵandaryn atap ótti.