Jazdyń aptap ystyǵynda jasyl jelektiń qaı-qaısysyna bolsyn kútim kerek. Shóldegen aǵashtyń kúıin túsinbesek te, adam retinde shóldiń qalaı bolatynyn bilemiz. Sondyqtan kez kelgen tirshilik ıesiniń ómirinde sýdyń alatyn orny erekshe.
Bıylǵy jaz burynǵydan ózgerek. Qala aýmaǵyndaǵy jasyl jelek te qýańshylyqty sezingendeı. Burynǵydaı jap-jasyl kúıge ene almaı, qoldaýǵa zárý bolyp tur.
Osy tusta «Alataý Aqparat» JSHS «Aǵashtardy aıalaıyq!» chellendjin qolǵa alyp, mekeme aınalasyndaǵy, sondaı-aq byltyr Abaı dańǵylynyń boıyna ózderi otyrǵyzǵan jasyl jelekke sý quıa bastady. Maqsat – qaladaǵy barlyq mekemeni ózine qarasty, sondaı-aq jaqyn mańdaǵy aǵashtarǵa qamqorlyq jasaýǵa shaqyrý.
«Almaty aqshamy» men «Vechernıı Almaty» gazetteriniń qyzmetkerleri qoldaryna shelek alyp, jaqsy isti bastap ta ketti. Osy oraıda, ózge áriptesterimizdi de chellendjdi jalǵastyrýǵa shaqyramyz. Aıta keteıik, «Alataý Aqparat» izgi bastamany Qazaqstan Jýrnalıser odaǵyna, «Vechernıı Almaty» – «Novoe pokolenıe» gazetine, al «Almaty aqshamy» – «Qazaq úni» gazetine joldady.