Jappaı vaksına barysy týraly aqparatty Almaty qalasynyń Naýryzbaı aýdanynyń ákimi Sanjar Toǵaı Óńirlik komýnıkasıalar qyzmetiniń baspasóz konferensıasy barysynda málimdedi. Spıkerdiń aıtýynsha, aýdanda 20 stasıonarlyq jáne 5 jyljymaly ekpe pýnktteri bar. Mektepterde, bazarlarda jáne halyqqa qyzmet kórsetý ortalyǵynda rezervte 4 egý pýnkti bar.
Sanjar Toǵaı qala turǵyndaryn tezirek ekpe alýǵa shaqyrdy. Ol megapolıs turǵyndarynan óziniń jáne jaqyndarynyń densaýlyqtaryn saqtaýǵa, dárigerler men sanıtarlyq-epıdemıologıalyq qyzmettiń barlyq usynystaryn barynsha jaýapkershilikpen oryndaýǵa shaqyrdy.
Aýdan ákimi tek vaksınalanýdyń ǵana pandemıany toqtatatynyn atap ótti.
«Men barlyǵyn tez arada ekpe alýǵa shaqyramyn. Tek vaksına sizge jáne sizdiń otbasyńyzǵa reanımasıaǵa jatýdan, aýrýdan keıin ońaltýdan ótýden, antıbıotıkter men basqa dári-dármekterdi qabyldaýdan qutylýǵa múmkindik beredi», - dedi Sanjar Toǵaı.
Vaksınalanýdyń eń joǵary kórsetkishteriniń biri Naýryzbaı aýdanynda. Aýdanda barlyǵy 53 418 adam ekpe alýshylar sanatynda, al qazirdiń ózinde 50 607 adam ekpe aldy, bul 94,7%-dy quraıdy.
Búginde 6 mekenjaı boıynsha (№7 qalalyq aýrýhana, №№26, 27, 36 qalalyq emhanalar, Taýsamaly bazary men Qarǵaly dárigerlik ambýlatorıasy) 10 pýnktte 20 stasıonarlyq jáne 5 jyljymaly brıgada jumys isteıdi.
Eske salsaq, Almatyda epıdemıologıalyq ahýal odan saıyn ýshyǵyp barady. Qalada koronavırýs juqtyrǵandardyń kúndelikti tirkeý 1500 jaǵdaıdan asty.
2021 jyldyń 1 aqpanynan 1 tamyzyna deıingi kezeńde barlyǵy 725 575 adam vaksınanyń 1-shi komponentin aldy. Ótken táýlikte 4 971 adamǵa ekpe jasaldy. 60 jastan asqan vaksınalanǵandardyń jalpy sany 99 587 adam.
Qalada medısınalyq uıymdarda, mektepterde, mádenıet jáne sport nysandarynda, bazarlarda jáne qalanyń SOSO-larynda 167 ekpe pýnkti bar (250-ge deıin ulǵaıtý múmkindigimen). 1038 adamnan turatyn 234 ekpe brıgadasy jumys jumyldyrylǵan.