CEZ Dúnıejúzilik ıadrolyq qaýymdastyqtyń vıse-tóraǵasy Bogdan Zronek (Chehıa) dekarbonızasıa jáne energıa qaýipsizdigi týraly suhbat berip, atom energetıkasyn damytýdyń strategıalyq tásilderi men josparlaryn kórsetti, dep habarlaıdy aqshamnews.kz.
Zronek Chehıanyń ulttyq energetıkalyq saıasatynyń Eýropalyq Odaqtyń maqsattaryna sáıkestigin jáne klımattyq maqsattarǵa jetý úshin kómir óndirýdi azaıtýdyń mańyzyn atap ótti. Ol Dýkovana men Temelın alańdarynda jańa atom bloktaryn salý josparlary týraly aıtty. Sondaı-aq atom stansıalaryn salý men paıdalanýda qazaqstandyq ónerkásipti paıdalaný áleýetin qarastyryp otyr.
Zronek atom energetıkasyn qoǵamdyq qoldaýdyń mańyzyn jáne jańa atom obektileri úshin oryndy muqıat tańdaý qajetin atap ótti. Sonymen qatar jobalardyń ekonomıkalyq jáne tehnıkalyq aspektileri, sonyń ishinde ónerkásip pen bıznestiń uzaq merzimdi paıdasy, jetkizilim qaýipsizdigi jáne yqtımal táýekelderge tózimdilik talqylanady.
“Biz klımatty qorǵaýdyń ulttyq strategıasymen, sondaı-aq ulttyq energetıkalyq saıasatpen rastalǵan kómirteksizdendirý úrdisterin ustanamyz jáne bul Eýropalyq Odaqtyń maqsattaryna saı keledi. Sonymen qatar qazirgi álemde kómir negizindegi elektr energıasyn óndirýdi azaıtýdyń ekonomıkalyq sebepteri bar. Sondyqtan biz aldaǵy jyldary qandaı energıa kózderi qoljetimdi bolatynyn boljaýǵa tyrysamyz. Bizdiń sheshimimizge kelsek, elektr energıasynyń shamamen jartysyn atom energıasynan, al qalǵan bóligin jańartylatyn kózderden jáne gazdan alǵymyz keledi”, – deıdi Bogdan Zronek.
Ol Qazaqstannyń dástúrli túrde otynmen qamtamasyz etý salasynda óte kúshti ekenin atap ótti.
“Bul salany jalǵastyrý jáne keńeıtý turǵysynan sizdiń el úshin artyqshylyq bolyp sanalady. Tutastaı alǵanda, bıyl qazaqstandyq ónerkásipti paıdalaný nemese eki kezeńde de jańa qýattylyqtardy qurý áleýeti bar dep esepteımin: qurylys kezeńinde jáne áleýetti atomdyq bloktardy paıdalaný jáne tehnıkalyq qyzmet kórsetý kezeńinde. Bul – jergilikti ónerkásipti paıdalaný jáne sizderdiń qazirgi jaǵdaıyńyzǵa jáne jańa elektr stansıasyna arnalǵan áleýetti kelisimsharttarǵa negizdelgen jeke sheshimdi qurýdyń úlken áleýeti. Óıtkeni olar ártúrli bolýy múmkin. Kez kelgen zertteý jobacy men obektilerdiń jumysynan alynǵan tájirıbeni paıdalaný jáne ony jergilikti jaǵdaılarǵa qoldaný óte oryndy. Sondyqtan biz kóp nárseni bólise alamyz”, – deıdi CEZ (Chehıa) Dúnıejúzilik ıadrolyq qaýymdastyqtyń vıse-tóraǵasy.
AES úlken ınvestısıany qajet etkenimen arzan, qaýipsiz jáne kómirteksiz energıamen qamtamasyz etedi.
“Atom elektr stansıasynyń ár qurylysy bastapqy kezeńde aıtarlyqtaı qomaqty ınvestısıany qajet etedi. Bul óte jyldam aqsha aınalymy bar zamanaýı álemde ońaı emes. Ekinshi jaǵynan, ol jetkilikti arzan elektr energıasyn jáne paıdalaný kezinde óte tómen ózgermeli shyǵyndardy, sonymen qatar óte uzaq qyzmet etý merzimin jáne turaqty jáne qaýipsiz óndiristi qamtamasyz etedi. Árıne, ol quramynda SO2 jáne shyǵaryndysy joq elektr enegıasyn qamtamasyz etedi”, – deıdi Bogdan Zronek.
Aıtýynsha, bul tańdaý Atom energıasy jónindegi halyqaralyq agenttiktiń ádistemesine, atap aıtqanda TR 396: "Atom elektr stansıalaryna arnalǵan usynystardyń ekonomıkalyq baǵalaýy" qujatyna negizdelgen.
“Usynysty baǵalaý tehnıkalyq jáne komersıalyq talaptardy, kepilder men yqtımal qaýipti eskeredi. Al baǵalaý nátıjesi óndiriletin elektr energıasynyń túpkilikti quny bolady. 3+ deńgeıli jobany talap etemiz. Joba sondaı aq qaýipsizdik negizderine tolyǵymen saı keletin jergilikti sharttardyń negizinde, jergilikti atomdyq zańnamanyń jáne eýropalyq komýnaldyq qyzmetterdiń talaptaryna tolyǵymen saı keletin retteýshi organdardyń talaptaryna sáıkes lısenzıalanady”, – deıdi ol.