Qazaqstanda atom energetıkasyn damytýǵa arnalǵan dóńgelek ústel Almaty Energetıka jáne baılanys ýnıversıtetinde ótti.
Ertýǵan Ómbetqulov, AÝEıS elektr stansıalary jáne elektr energetıkalyq júıeler kafedrasynyń dosenti, atom elektr stansıasynyń mańyzdylyǵy men qaýipsizdigi týraly óz pikirin bildirdi:
– Biz atom elektr stansıasyn salýdy qoldaımyz. Qazirgi ýaqytta túbegeıli ózgerister qajet. Energıa tutynýdyń artýy men jańa energıa kózderin izdeýdiń qajettiligine kelip otyrmyz. Keńes dáýirinde salynǵan kóptegen stansıalardyń eskirýine baılanysty jańalaryn salý kerek.
Qaýipsizdik máselesi búginde kóptegen adamdardy alańdatyp otyrǵany ras. Biraq men atom energıasy paıdalanylatyn birneshe elderde, ásirese Reseıde boldym. Keıbir atom elektr stansıalary qalalardyń shekarasynda ornalasqan jáne jergilikti turǵyndar olardyń bar ekenin baıqamaı da qalady. Búgingi tańda atom elektr stansıalarynyń qaýipsizdigi eń ozyq tehnologıalarmen qamtamasyz etilgen.
Bizdiń elde de qajetti mamandar bar. Eń bastysy – osy jobalardy iske asyrý aldynda daıyndyqty muqıat júrgizý kerek, – dep atap ótti ol.