M. Qozybaev atyndaǵy Soltústik Qazaqstan ýnıversıtetinde ótken kezdesýde AES salýdy qoldaý jónindegi Halyqtyq shtab músheleri stýdentter men oqytýshylarǵa atom energetıkasynyń bolashaǵy týraly aıtty. İs-sharaǵa 100-den astam adam qatysty.
AES qurylysy jastar úshin jańa múmkindikterge jol ashatyny aıtyldy. Atap aıtqanda, jalaqysy joǵary, joǵary bilikti jumys oryndarynyń onmyńdaǵany qurylady. Bul maqsatta memleket atom energetıkasyn damytýǵa baǵyttalǵan bolashaq baǵdarlamasy sheńberinde kadr daıarlaý josparyn ázirleıdi. Josparǵa sáıkes, qajetti mamandar – fızıkter, hımıkter, ınjenerler men energetıkter daıyndalady.
M. Qozybaev atyndaǵy ýnıversıtettiń stýdentteri úshin bul úlken múmkindik. Atom elektr stansasy olardy ózderiniń tyń ıdeıalaryn júzege asyryp, ozyq ǵylymı ázirlemelerin qoldanýǵa jol ashady.s