Aleksandr Klepıkov, Iadrolyq tehnologıalardyń qaýipsizdigi ǵylymı-tehnıkalyq ortalyǵy dırektorynyń orynbasary, AES óndiretin elektr energıasy, ádette, óziniń erekshelikterine baılanysty kóbinese ónerkásip salasynda qoldanylady dep esepteıdi.
– AES – bul táýlik boıy, birneshe aı boıy turaqty deńgeıde energıa óndiretin, bazalyq qýat kózi bolyp tabylady. Ol ornatylǵan qýattylyqty paıdalaný koefısıenti joǵary bolýymen erekshelenedi. Bul ony úzdiksiz energıa óndirýdi qamtamasyz ete almaıtyn, jeldiń kúshi, aýa raıy jáne jyl mezgilderine táýeldi jańartylatyn energıa kózderinen tıimdi etip kórsetedi, – dep bólisti sarapshy.
Klepıkovtyń pikirinshe, qazirgi qaýipsizdik talaptary atom energetıkasynyń bolashaǵyna senimmen qaraýǵa múmkindik beredi. Shyn máninde, álemdegi AES qurylysyna qatysty josparlar muny rastaıdy.