Halyqtyq shtab Almaty oblysynyń turǵyndaryn AES salýǵa daýys berýge shaqyrdy
Qonaev qalasynda Halyqtyq shtab músheleri Almaty oblysynyń turǵyndarymen kezdesý ótkizdi. İs-sharaǵa zıaly qaýym ókilderi, ardagerler, dárigerler, pedagogtar jáne jastar qatysty.
Senat Spıkeri Máýlen Áshimbaev Prezıdenttiń AES salý týraly referendým ótkizý bastamasynyń mańyzdylyǵyna toqtalyp, bul qadam «Halyq únine qulaq asatyn memleket» tujyrymdamasynyń kórinisi ekenin atap ótti.
Almaty oblysy Ardagerler keńesiniń tóraǵasy Erbolat Turymbetov ardagerler qaýymy referendýmdy qoldaıtynyn jetkizdi. Medısına ǵylymdarynyń doktory Zınash Kúshtekova AES-tiń qaýipsizdik standarttaryna sáıkes keletinin, al onyń radıasıalyq áseri óte tómen ekenin aıtty. Sarapshy Grıgorıı Merısov AES-tiń ekonomıkalyq paıdasyn, kómirqyshqyl gazyn azaıtýǵa yqpal etetinin atap ótti.
Kezdesýde AES salý eldiń energetıkalyq táýelsizdigin nyǵaıtyp, turaqty damý men ekonomıkalyq ósýge jol ashatyny aıtyldy. Halyqtyq shtab músheleri turǵyndardy referendýmǵa belsendi qatysýǵa shaqyrdy.