AES salýdy qoldaý jónindegi Halyqtyq shtab músheleri Astana qalasyndaǵy kásipodaq qyzmetkerlerimen kezdesý ótkizdi. Kezdesýge «Qazaqstandyq atom elektr stansıalary» JSHS Atom energetıkasy bóliminiń jetekshi ınjeneri Asýan Sıabekov jáne QR Kásipodaqtar federasıasy tóraǵasynyń orynbasary Nurlan Óteshev qatysty, dep habarlaıdy aqshamnews.kz
Nurlan Óteshev klımattyń ózgerýi men ekologıalyq jaǵdaıdyń nasharlaýy máselelerine toqtalyp, «jasyl» energıaǵa kóshýdiń mańyzdylyǵyn atap ótti. Ol AES-tiń jumysshylardyń jáne halyqtyń jaǵdaıyn jaqsartýda úlken múmkindikteri bar ekenin basa aıtty.
Asýan Sıabekov elimizdegi energojúıeniń qazirgi jaǵdaıy men AES salýdyń qajettiligi týraly tolyqqandy aqparat berdi. Qazaqstannyń jylý elektr stansalarynyń 70-80%-y tozǵan, al keıbir qalalarda bul kórsetkish 90%-ǵa jetip otyr. Osyǵan baılanysty jańa energıa kózderin iske qosý qajettigi týyndaýda.
Sonymen qatar, ol Qazaqstanda 148 jańartylatyn energıa kózderiniń nysany jumys istep turǵanyn aıtty. Biraq kún men jel energıasy aýa raıyna táýeldi bolǵandyqtan, olardyń tıimdiligi tómen. AES-tiń tıimdiligi joǵary, 90%-dy quraıdy, al jel jáne kún elektr stansıalarynyń kórsetkishi aıtarlyqtaı tómen – sáıkesinshe 33-35% jáne 18%.
AES salý jerdi únemdeýge de múmkindik beredi. Mysaly, 2,8 GVt energıa alý úshin 8 GVt-tyq jel elektr stansasy 4 myń gektardy, al kún elektr stansasy 28 myń gektar aýmaqty qajet etedi. Bul degenimiz, AES-tiń tıimdiligi jaǵynan áldeqaıda basym ekendigin kórsetedi.
Qazaqstannyń ýran óndirisi boıynsha álemdegi aldyńǵy qatarly el ekenin eskere otyryp, Sıabekov atom energetıkasyna kóshýdiń qolaıly múmkindikterin atady. Qazaqstanda ýran shıkizaty jetkilikti jáne ony tıimdi paıdalaný kerek.
Kezdesý sońynda kásipodaq ókilderi AES salý bastamasyn qoldady.