Nurqanat Ǵaıypbaev 30 jasta bolǵan.
Sherzat Bolat tarapynyń advokaty Saıda Táýekelova «óz-ózine qol salǵan» degen aqparatty teristedi, dep habarlaıdy aqshamnews.kz
Telegram-arnalarda “Sherzat Bolattyń aǵasy tóbeles kezinde qarýdy birinshi alyp shyqqan, sol úshin ózin aıypty sezinip, óz-ózine qol salǵan” degen aqparat taraǵan. Advokat Táýekelova bul nusqany teristedi.
Buǵan deıin Sherzat Bolattyń aǵasy qaza bolǵanyn polısıa rastaǵan edi.
«Talǵar qalasynyń mańynan 30 jastaǵy er adamnyń denesi tabyldy. Aldyn ala málimetterge sáıkes, ol asylyp, óz-ózine qol salǵan. Marqum bıyl 4 qazanda qaza tapqan kámeletke tolmaǵan Sherzat Polattyń aǵasy ekeni anyqtaldy. Osy fakti boıynsha qylmystyq is qozǵaldy. Qazirgi ýaqytta barlyq jaǵdaılardy anyqtaý úshin tergeý amaldary júrgizilýde. Osy ýaqytta qylmystyq sıpattaǵy qandaı da bir belgiler anyqtalmady», - delingen polısıa habarlamasynda.
Polısıa marqum Sh. Bolattyń otbasy barlyq ýaqytta polıseılerdiń qorǵaýynda bolǵanyn atap ótedi.
«Osy ýaqytqa deıin marqumnyń otbasyna tóngen qandaı da bir qaýip-qater tirkelgen joq. Kúzetken qyzmetkerlerdiń túsindirmelerine sáıkes, er adam kúzetiletin obektiden saǵat 23:30-da shyǵyp ketip, jeke avtokólikpen ketkeni anyqtaldy. Tergeý múddesi úshin ózge de aqparat jarıalaýǵa jatpaıdy», - delingen habarlamada.