Талғар маңында оның денесі табылды.
Полиция таратқан мәліметке сүйенсек, 30 жастағы азамат өзіне қол салған, деп хабарлайды aqshamnews.kz
"Марқұм биыл 4 қазанда қаза тапқан Шерзат Болаттың ағасы екені анықталды. Факт бойынша қылмыстық іс қозғалды. Қазіргі уақытта барлық мән-жайды анықтау үшін тергеу амалдары жүріп жатыр", - делінген хабарламада.
Полиция мәліметінше, марқұм Шерзат Болаттың отбасында арнайы күзет болған.
"Осы уақытқа дейін отбасына қандай да бір қоқан-лоқы жасау дерегі тіркелмеді. Күзет қызметіндегі қызметкерлердің түсініктемесі бойынша ер адам күзетілетін нысаннан сағат 23:30-да шығып, жеке көлігімен кетіп қалған. Тергеу мүддесіне сәйкес басқа ақпарат жария етуге жатпайды", - делінген хабарда.