Ózderin Ádilet organdarynyń qyzmetkerleri retinde tanystyryp júrgen alaıaqtar azamattardy sendirý úshin memlekettik qyzmetshiniń ID kartalaryn kórsetýde.
Bul týraly Qazaqstan Respýblıkasy Ádilet mınıstrliginiń resmı ókili Talǵat Ýálı málimdedi, dep habarlaıdy Almaty-akshamy.kz QR Ádilet mınıstrliginiń baspasóz qyzmetine silteme jasap.
Onyń aıtýynsha alaıaqtar azamattarǵa habarlasyp ózderin Ádilet mınıstriginiń basshylary nemese qyzmetkerleri retinde tanystyryp, jeke derekterin suraýda. Osyǵan oraı, Ádilet mınıstrligi beıtanys azamattarǵa nemese telefon shalǵan bóten tulǵalar men ınternet-resýrstarǵa derbes derekteri týraly (jeke kýálik derekteri, JSN nómiri, bank kartochkalarynyń málimeti, meken-jaıy) málimetterin taratpaýdy suraıdy. Ádilet mınıstriginiń qyzmetkerleri telefon arqyly azamattardyń jeke derekterin suratpaıdy. Egerde siz atalǵan faktilermen betpe-bet kelgen bolsańyz, quqyq qorǵaý organdaryna habarlasýlaryńyz qajet.
Esterińizge sala keteıik, Ádilet mınıstrliginiń qyzmeti týraly qandaı da bir aqparat alǵyńyz kelse, 119 nómiri arqyly Call ortalyqqa habarlasýyńyzǵa bolady.