Jańa ekonomıkalyq baǵdarymyzdyń ózegine aınalady
Asa kúrdeli mindetterdi júzege asyrý úshin naqty merzim bekitiledi. Bul týraly búgin Qazaqstan halqyna Joldaýyn jarıalaý kezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Ádildik, ınklúzıvtik jáne únemshildik jańa ekonomıkalyq baǵdarymyzdyń ózegine aınalady. Qazaqstannyń ekonomıkalyq damýynyń jańa paradıgmasy elimizdiń básekelik artyqshylyqtaryn tıimdi paıdalanýǵa jáne óndiris salasyndaǵy eńbek, kapıtal, resýrstar, tehnologıa sıaqty negizgi faktorlardyń áleýetin barynsha ashýǵa negizdeledi», - dedi Qasym-Jomart Toqaev.
Osy oraıda, Prezıdent bıylǵy Joldaýda aıtylǵan mindetterdi oryndaýdyń naqty merzimin belgiledi.
«Jańa ekonomıkalyq saıasatta júzege asýy ekitalaı, sondyqtan uzaq merzimdi maqsat qoıýǵa bolmaıdy. Osy Joldaýda aıtylatyn mindettiń bári úsh jyldyń ishinde oryndalýǵa tıis. Al asa kúrdeli mindetterdi júzege asyrý úshin naqty merzim bekitiledi», - dedi Memleket basshysy.