Astanada İshki ister mınıstriniń orynbasary Erjan Sádenovtiń tóraǵalyǵymen “Qazaqstan Respýblıkasynda adam saýdasyna qarsy is-qımyl týraly” zań jobasyn ázirleý jónindegi vedomstvoaralyq jumys tobynyń ekinshi otyrysy ótti.
Zań jobasy Memleket basshysynyń adam quqyqtary salasyndaǵy odan arǵy sharalar týraly tapsyrmasy jáne zańnyń ústemdigi aıasyndaǵy sharalarǵa oraı ázirlenýde, dep habarlaıdy Almaty-akshamy.kz Polisia.kz-ke silteme jasap.
Otyrysqa QR Prezıdenti janyndaǵy Adam quqyqtary jónindegi komısıanyń hatshysy, Adam quqyqtary jónindegi ulttyq ortalyqtyń sarapshylary, Bilim, Densaýlyq saqtaý, Eńbek jáne halyqty áleýmettik qorǵaý mınıstrlikteriniń, Bas prokýratýranyń, Qarjy monıtorıńi agenttiginiń, Respýblıkalyq advokattar alqasynyń, Ekonomıkalyq zertteýler ınstıtýtynyń, Ulttyq kásipkerler palatasynyń, elordanyń jetekshi joǵary oqý oryndarynyń, halyqaralyq jáne úkimettik emes uıymdardyń ókilderi qatysty.
Jumys toby zań jobasynda qoldanylatyn negizgi uǵymdardy, zań jobasynyń qoldanylý aıasy, prınsıpteri, maqsattary men mindetteri, ýákiletti organdardyń adam saýdasyna qarsy is-qımyl salasyndaǵy qyzmetti úılestirý jónindegi fýnksıalary, memlekettik organdardyń, komersıalyq emes uıymdardyń quzyretterin jáne basqa da máselelerdi talqylady. Zań jobasyn engizý merzimderi: 2023 jylǵy qańtar – Ádilet mınıstrligine, 2023 jylǵy aqpan – Úkimetke, al 2023 jylǵy sáýir – Parlamentke engizý belgilendi. Ázirleý jumystary jalǵasýda.