Kásiporyndardyń qyzmetkerlerge 1,24 mlrd teńge bereshegi bar.
14 qazandaǵy derekterge sáıkes, respýblıkanyń 60 kásipornynda 1821 qyzmetkerge jalaqy boıynsha 1,24 mlrd teńge kóleminde bereshegi bar, dep habarlaıdy Almaty-akshamy.kz Inbusiness.kz silteme jasap.
Kásiporyndardyń qaryzy jaıynda 21 qazan kúni QR Eńbek jáne halyqty áleýmettik qorǵaý mınıstrligi, Eńbek, áleýmettik qorǵaý komıtetiniń tóraǵasy Tólegen Ospanqulov Ortalyq komýnıkasıalar qyzmetinde ótken brıfıń barysynda aıtty.
"Jumyskerler aldyndaǵy eń kóp bereshek Abaı oblysynda – 218,7 mln teńge, Jetisý oblysynda – 22,9 mln teńge jáne Astana qalasynda – 19,3 mln teńge. Jyl basynan beri jergilikti eńbek ınspeksıasy organdarynyń kómegimen jalaqy boıynsha 4,1 mlrd teńgege jýyq bereshek tólendi, sol arqyly 16,4 myń qyzmetkerdiń quqyqtary qorǵaldy", – dedi komıtet tóraǵasy.
Spıkerdiń aıtýynsha, Eńbek jáne halyqty áleýmettik qorǵaý mınıstrliginiń bastamasymen jalaqy boıynsha bereshekti óteýdiń nátıjeliligin arttyrý maqsatynda zańnamaǵa ózgerister engizilgen.