Aýrý – oraza ustamaýǵa ruqsat etetin úzirlerdiń biri.
Oraza kezinde jıi qoıylatyn suraqtardyń birin Almaty-akshamy.kz Muslim.kz-ke silteme jasaı otyryp habarlaıdy.
Imam Násáfı «Kánzý ád-Daqaıq» kitabynda: «Aýrýdyń asqynýynan qoryqsa, aýzyn ashýǵa rusat» – degen.
Biraq bul aýrýlardy ekige bólip qaraımyz:
Birinshisi: Jazylatyn aýrý. Mundaı jaǵdaıda aýyzdy ashýǵa bolady. Keıin aýrýynan aıyqqan soń qazasyn óteıdi. Alla Taǵala «Baqara» súresiniń 184-aıatynda: «Al kim naýqas bolyp nemese sapar shegip oraza ustamasa, (qaza bolǵan kúnderin) basqa ýaqytta ustasyn», – degen.
Ekinshisi: Orazaǵa shamasy jetpeıtin, sozylmaly (hronıkalyq) aýrý. Bul jaǵdaıda oraza ustamaı ár kúnine pidıa beredi. Alla Taǵala joǵarydaǵy aıattyń jalǵasynda: «Oraza ustaýǵa shamasy ázer jetetinder (ıaǵnı, qarttar men sozylmaly dertke shaldyqqandar) pidıa retinde bir jarlynyń tamaǵyn berýi kerek», – degen.