Medisys kompanıasynyń ǵalymdary osyndaı qorytyndyǵa kelgen, dep habarlaıdy Almaty-akshamy.kz.
Sarapshylar kelesideı eskertýler jasaıdy: túngi ýaqytta az tynyǵý adamǵa metabolıkalyq problemalardy nemese semizdik, kúızelis, únemi sharshaý sezimi, tipti ınsýlt pen ınfarkt sıaqty qıyndyqtardyń paıda bolýyna ákelýi múmkin.
8 saǵattan az uıyqtaý jáne kúndiz sergek júrý adam aǵzasynyń kognıtıvti qyzmetine keri áser etedi. Adam qalypty uıqy rejıminde oryndaı alatyn mindetterin oryndaı almaıdy. Uıqynyń bolmaýy zeıinniń shoǵyrlanýyna da áser etedi. Sondyqtan uıqy qanbaǵan kezde sarapshylar kólik júrgizbeýge keńes beredi.
Uıqynyń únemi qanbaı júrýin ǵalymdar maskúnemdiktiń sozylmaly túrimen salystyrady. Túnde organızmde ómirlik mańyzdy jáne mańyzdy gormondar - melanın men somatotropın bólinedi. Ol tábetti arttyrýy múmkin. Nevrologıa salasyndaǵy tanymal ǵalym Adrıan Oýen osyndaı qorytyndyǵa keldi.
Jalpy, az uıyqtaý kúızelisti týdyrady, bul mıdyń belsendiligin tómendetedi. Nátıjesinde mı ózin jeıdi. Adamnyń ózin nashar sezinýinen basqa, syrt kelbeti de aıtarlyqtaı ózgeredi. Sylbyrlyq, teriniń bozarýy, kózdiń qyzarýy jáne isiný – bul adamnyń jetkilikti uıyqtamaǵanyn kórsetedi. Sondaı-aq, uıqynyńte qanbaı júrýinen teriniń erte qartaıýy da baıqalady.