Abý-Dabıde ótip jatqan HH Halyqaralyq ańshylyq jáne at sporty kórmesinde otandyq óndirýshi kompanıa saýmal usyndy, dep habarlaıdy Almaty-akshamy.kz Habar 24-ke silteme jasap.
Munda jylqy jáne janýarlar álemine arnalǵan ınovasıalyq tehnologıalar, kempıngter men saıatshylyqqa qajetti quraldardy kórýge bolady. Ańshylyq jáne at sportyn damytýdy kózdeıtin kórmege álemniń 65 elinen 1 myń 200 kompanıa kelgen. Bıyl ásirese Ortalyq Azıa elderi kóptep qatysyp jatyr. Al qazaqstandyq kompanıa saýmaldy nemis tehnologıasy boıynsha óńdep, qurǵaq kúıinde usyndy.
Abdallah Haled Marıan, kompanıa ókili:
- Qazaqtyń ulttyq brend ónimin tanystyryp turmyz. Qospasyz, tabıǵı bıe súti. Bul sút ana sútine jaqyn, emdik sýsyn. Dál qazirgi ýaqytta saýmaldy Ámirlikterde jáne Parsy shyǵanaǵy elderine saýdalap otyrmyz.
Saggaf Alhashmı, kórmege qatysýshy:
- Kórmeniń ashylǵan kúni-aq arnaıy baryp, birinshi ret saýmaldyń dámin kórdim. Maǵan ǵana emes, kórmege kelýshilerdiń barlyǵyna unap jatyr dep oılaımyn. Jalpy bul kórmeniń maqsaty da sol ǵoı – jańany taný. Atbegilik – burynnan kele jatqan óner. Dástúr jalǵasýy kerek, biraq jańǵyryp turýy da mańyzdy.