Klıentterdi aldaǵan rıeltor ustaldy
Almatyda turǵyndardy aldaǵan taǵy bir rıeltordyń áreketi áshkere boldy, dep habarlaıdy Almaty-akshamy.kz Polisia.kz-ke silteme jasap.
Jetisý aýdandyq polısıa basqarmasynyń málimeti boıynsha, A.esimdi azamatsha páterdi naryqtyq baǵadan tómen baǵaǵa jalǵa berý týraly habarlandyrýlar salǵan.
«Klıenttermen kezdesip, jalǵa berý shartyn jasaǵan. Sonymen qatar, ol jóndeý jumystaryna baılanysty jańa qonaqtardy ornalastyrmas buryn olarǵa páterdi kórsete almaıtynyna sendirip, klıentterden júz paıyz tólem alǵan. Aqshany alǵannan keıin áıel baılanysqa shyǵýyn toqtatqan. Kúdikti qamaýǵa alyndy. Bizdiń bólimshede alaıaqtyq faktisi boıynsha, QR QK-niń 190-baby 1-bóligine sáıkes, qylmystyq is tergelýde. İsti qaraý barysynda onyń kem degende osyǵan uqsas toǵyz epızodqa qatysy bolýy múmkin ekeni anyqtaldy. Keltirilgen shyǵynnyń jalpy somasy 500 myń teńgeden asty», – deıdi Jetisý aýdandyq PB bastyǵynyń orynbasary Asqat Dáýletıarov.
Tergeý kezeńinde ustalǵan adamǵa qatysty qamaýǵa alý túrindegi bultartpaý sharasy tańdaldy. Ol ýaqytsha ustaý ızolátoryna qamaldy.