Abaı atyndaǵy QazUPÝ-da «Dara» qorynyń qoldaýymen ınklúzıvti bilim berýdiń oqý-zertteý zerthanasynyń saltanatty ashylýy ótti dep habarlaıdy almaty-akshamy.kz
Elimizdiń jetekshi pedagogıkalyq ýnıversıtetiniń jańa qurylymynyń maqsaty – ınklúzıvti jáne arnaıy bilim berý salasynda ǵylymı-zertteý jumystaryn uıymdastyrý jáne júrgizý, stýdentterdi oqytý, jańa formasıanyń mektep muǵalimderin, quzyretti, tájirıbege baǵyttalǵan pedagogıkalyq kadrlaryn daıarlaýda zerthanalyq resýrstar men jańa salalyq tehnologıalardy paıdalaný.
Sharaǵa rektor Darhan Bilálov, Qazaqstan Respýblıkasynyń arnaıy jáne ınklúzıvti bilim berý uıymdarynyń basshylary, Almaty qalasy men Almaty oblysyndaǵy arnaıy jáne ınklúzıvti mektepter men balabaqshalardyń dırektorlary, Pedagogıka jáne psıhologıa ınstıtýtynyń basshylyǵy men oqytýshylary qatysty.
D.Bilálov erekshe balalar men olardyń otbasylaryn qoldaý úshin ınklúzıvti bilim berýdiń mańyzdylyǵyn atap ótti.
«Ár balanyń fızıkalyq jaǵdaıyna, áleýmettik-ekonomıkalyq jaǵdaıyna, emosıonaldyq erekshelikterine, jynysyna jáne basqa da faktorlaryna qaramastan, bilim alý múmkindigi bolýy kerek. Memlekettiń mindeti – bul úshin barlyq qajetti jaǵdaılardy jasaý, pedagogıkalyq joǵary oqý oryndarynyń mindeti – eń aldymen mektepterdi erekshe bilim berý qajettilikteri bar balalardy oqytatyn joǵary kásibı mamandarmen qamtamasyz etý. Jańa zerthananyń ashylýy bul baǵyttaǵy jumysty jandandyryp, elimizdegi ınklúzıvti bilim berýdi damytýǵa óz yqpalyn tıgizetinine senimdimin», - dedi rektor.
«Dara» qorynyń jetekshisi Gúlnar Dosaeva ınklúzıvti bilim berýdi damytý ózi jetekshilik etetin uıymnyń negizgi baǵyttarynyń biri ekenin atap ótti.
«Biz muǵalimderge, oqýshylarǵa jáne olardyń ata-analaryna ınklúzıvti bilim berý keńistigin asha otyryp, Qazaqstan Respýblıkasynyń 50-den astam mektebimen tyǵyz jumys jasaımyz. Balalardyń oqýyna jáne muǵalimderdiń kásibı jumysyna qolaıly jaǵdaı jasaý úshin biz jańa bilim berý tehnologıalaryn qoldanýǵa tyrysamyz», - dep atap ótti.
«Dara» qorymen yntymaqtastyq aıasynda zerthananyń tıimdi jumys isteýi úshin oqytýshylardy, stýdentterdi, magıstranttardy, doktoranttardy jáne praktıkterdi tartý josparlanýda; elimizdiń arnaıy jáne jalpy bilim beretin oqý oryndarymen yntymaqtastyqty damytý; bolashaq muǵalimderdi dýaldy oqytý, sonymen qatar EBQ bar balalardy dıagnostıkalyq zertteý jáne ońaltý.
Pedagogıka jáne psıhologıa ınstıtýtynyń dırektory Ǵalıa Abaeva ınklúzıvti bilim berý zerthanasyn damytý tujyrymdamasyna toqtalyp, sýrdopedagogıka, olıgofrenopedagogıka, tıflopedagogıka, logopedıa mamandary zerthananyń baǵyttarymen jáne mamandandyrýǵa arnalǵan qural-jabdyqtarmen tanystyrdy.
İs-shara barysynda erekshe bilim berý qajettilikteri bar balalardy jalpy bilim berý keńistigine qosý, ınklúzıvti jobalyq oılaý sharttary, júzege asyrý kezeńderi men ádisteri, elimizdi arnaıy pedagogıkalyq kadrlarmen qamtamasyz etý; Big Data tehnologıalary jáne olardy bilim berý salasynda qoldaný; sporttyq, shyǵarmashylyq jáne tárbıelik qoldaý daǵdylaryn damytý máseleleri talqylandy.
Sondaı-aq «Inklúzıvti bilim berýdegi neıropsıhologıalyq ádister», «QR arnaıy pedagogıkalyq kadrlarmen qamtamasyz etilýi», «Big Data tehnologıalary jáne olardy bilim berý salasynda qoldaný» taqyryptarynda dáris-suhbatar, «Inklúzıvti dızaın-oılaý:iske asyrýdyń kezeńderi men ádisteri», «EBB qajet etetin tulǵalardy jalpy bilim berý keńistigine qosý sharttary» semınary ótkizildi.
Barlyq qatysýshylar atap ótkendeı, is-shara óte jemisti ótti, zerthananyń ashylýy qazirgi jáne bolashaq mamandar úshin paıdaly bolady.