Onyń ókilettigi merziminen buryn toqtatyldy.
«Qazaqstannyń Damý Banki» aksıonerleriniń sheshimimen Abaı Sarqulovtyń qyzmetinen ketti, dep habarlaıdy Almaty-akshamy.kz.
«Jalǵyz aksıonerdiń («Báıterek» UBH» AQ) 24.01.2022 jylǵy sheshimimen Abaı Sarqulovtyń «Qazaqstannyń Damý Banki» AQ (budan ári – QDB, Bank) Basqarma tóraǵasy jáne Dırektorlar keńesiniń múshesi retindegi ókilettigi merziminen buryn toqtatyldy. 25.01.2022 jyldan bastap QDB basshysynyń mindetin atqarýshy bolyp buǵan deıin Bank Basqarmasy tóraǵasynyń orynbasary qyzmetin atqarǵan Sandýǵash Kenjebaeva taǵaıyndaldy», - delingen atalmysh bank baspasóz qyzmetiniń habarlamasynda.
Abaı Sarqulov 1981 jyly 13 tamyzda Aqtóbe oblysynda dúnıege kelgen. 2003 jyly Q.Jubanov atyndaǵy Aqtóbe memlekettik ýnıversıtetiniń ekonomıka fakúltetin «Bank isi» mamandyǵy boıynsha úzdik bitirgen.
Abaı Sarqulov Banktegi óziniń eńbek qyzmetin 2007 jylǵy naýryzda Infraqurylymdyq jobalardy kredıtteý basqarmasynyń menedjerinen bastap Basqarma tóraǵasynyń orynbasaryna deıingi joldan ótti. 2017 jylǵy aqpan-2019 jylǵy sáýir aralyǵynda Abaı Sarqulov «Damý» kásipkerlikti damytý qory» AQ atqarýshy organyn basqardy. Abaı Sarqulov 2019 jylǵy sáýirde QDB Basqarmasynyń tóraǵasy retinde taǵaıyndalyp, bul laýazymda ol Bolat Jámishevtiń ornyn aýystyrdy.