2025 jyldyń 28 aqpan kúni Almaty qalasy Alataý aýdanyndaǵy Oqýshylardyń ınovasıalyq shyǵarmashylyq ortalyǵynda uly aqyn Abaı Qunanbaevtyń 180 jyldyǵyna oraı mańyzdy is-shara ótkizildi. Qazaqstan Respýblıkasy Oqý-aǵartý mınıstrliginiń qoldaýymen, Respýblıkalyq ǵylymı-pedagogıkalyq kitaphana men «Oqýǵa qushtar mektep» jobasynyń aıasynda uıymdastyrylǵan bul is-shara «Meniń súıikti kitabym – Abaı shyǵarmalary» taqyrybynda respýblıkalyq chellendj bolyp ótti, dep habarlaıdy aqshamnews.kz
Bul chellendjdiń basty maqsaty – Qazaqstannyń barlyq mektep oqýshylaryn Abaı Qunanbaevtyń shyǵarmalaryn oqýǵa yntalandyrý, oqý belsendilikterin arttyrý, sondaı-aq kitap oqýǵa degen qyzyǵýshylyqty oıatý jáne tárbıeleý bolyp tabylady. Sharanyń aıasynda oqýshylar aqynnyń shyǵarmashylyǵymen tanysyp, ózderi oqyǵan eń súıikti shyǵarmalaryn ortaǵa saldy.
Chellendjdiń negizgi mindetteri:
- Oqýshylardyń oqýǵa degen qushtarlyǵyn arttyrý;
- Oqýshylardy Abaı Qunanbaevtyń shyǵarmalaryn oqýǵa tartý;
- Kitap oqý mádenıetin qalyptastyrý;
- Jas urpaqty Abaı Qunanbaevtyń shyǵarmalary arqyly rýhanı baıytý.
İs-sharany uıymdastyrýǵa Qazaqstan Respýblıkasynyń Oqý-aǵartý mınıstrligi, Respýblıkalyq ǵylymı-pedagogıkalyq kitaphana, Almaty qalasynyń Bilim basqarmasy, Qalalyq bilim berýdegi jańa tehnologıalardyń ǵylymı-ádistemelik ortalyǵy, sondaı-aq Almaty qalasy Alataý aýdany Oqýshylardyń ınovasıalyq shyǵarmashylyq ortalyǵy atsalysty. Chellendjge elimizdiń barlyq aımaqtarynan 17 oblys pen 3 respýblıkalyq mańyzy bar qalalardan oqýshylar qatysty. Olar ZOOM platformasy arqyly bir núkteden qosylyp, Abaı Qunanbaevtyń shyǵarmalaryn oqyp, óz pikirlerin bildirdi.
Chellendj 28 aqpan kúni saǵat 11:00-de ZOOM platformasy arqyly ótkizildi. Ár aımaq Abaı Qunanbaevtyń belgili shyǵarmalaryn usyndy. Oqýshylar aqynnyń tereń oılary men kórkem týyndylaryn talqylap, ózderin ádebıetke degen qyzyǵýshylyqtaryn arttyrdy. Shara barysynda Abaıdyń shyǵarmalary ǵana emes, jalpy ádebıet pen kitap oqý mádenıeti de nasıhattaldy.
Chellendjdiń nátıjesinde oqýshylardyń kitap oqýǵa degen yntasy artty, Abaı Qunanbaevtyń shyǵarmalary arqyly olardyń rýhanı álemi keńeıe tústi. Sonymen qatar, bul shara oqýshylardyń kitap oqý mádenıetin qalyptastyrýǵa, olardyń ádebıetke degen súıispenshiligin nyǵaıtýǵa yqpal etti.
Bul chellendj Abaı Qunanbaevtyń murasyn ulyqtap, balalardyń ádebıetke degen qyzyǵýshylyǵyn arttyrýǵa zor úles qosty. Oqýshylar arasynda kitap oqýǵa degen qushtarlyq pen ulttyq ádebıetke degen qurmet qalyptasyp, bolashaqta kitap oqý mádenıetin damytýǵa yqpal etetindigi sózsiz.