Qazaqtyń uly tulǵalarynyń asqaq músinderin jasap júrgen qyrǵyz músinshisi Tamıla Mamatova «Dostyq» ordenimen marapattaldy.
Marapattaý týraly Jarlyqqa Qasym-Jomart Toqaev qol qoıdy. Músinshiniń qos halyq arasynda beıbitshilik, dostyq pen yntymaqtastyqty nyǵaıtýǵa qosqan úlesi baǵalandy, dep habarlaıdy Almaty-akshamy.kz Qazaqtv.com saıtyna silteme jasap.
Eske salsaq, Tamıla Mamatova uly Abaıdyń bústin jasap, Kókshetaý kolejine tartý etkennen keıin Qazaqstanda tanymal boldy. Músinshiniń kelesi jumysy - Muhtar Áýezovtiń músini. Bul týyndy Sholpon-Ata qalasynda qazaq jazýshysynyń murajaıynda qoıylady.
"Bul orden maǵan úlken shabyt syılaıdy. Abaı Qunanbaevtyń músini ózim elestetkendeı shyqty. Tek keıinirek Shyńǵys Aıtmatov pen Táttibúbi Tursynbaevanyń bústin jasap, ádebı toptamany jalǵastyrdym desem de bolady. Abaı men Áýezov - qazaqtyń uly tulǵalary", - deıdi músinshi Tamıla Mamatova.