Abaı atyndaǵy QazUPÝ Qazaqstan boıynsha THE Impact Rankings 2023 jahandyq reıtıńinde kósh bastady, dep habarlaıdy Almaty-akshamy.kz
2023 jyldyń 1 maýsymynda Times Higher Education bilim berý uıymdarynyń jahandyq Turaqty damý maqsattaryna (TDM) qol jetkizý prosesine qatysýyna olardyń áleýmettik-ekonomıkalyq áserin baǵalaıtyn THE Impact Ranking 2023 nátıjelerin jarıalady, nátıjesinde Abaı atyndaǵy QazUPÝ ekinshi jyl qatarynan kóshbasshylyǵyn saqtap, bıyl Qazaqstan boıynsha kósh bastady.
Jahandyq áser etý reıtıńindegi jalpy esepte ýnıversıtet ótken jylǵy nátıjeni bekitip, qatysýshylar sanynyń artýy aıasynda jalpy upaıdy 57,3-ten 59,8-ge deıin jaqsarta otyryp, 601-800 pozısıasyn ıelendi. Ótken jyly reıtıńke 1410 joǵary oqý orny qatyssa, bıyl bul kórsetkish 181-ge artyp - 1591 ýnıversıtet 112 memleketten, sonymen qatar 15 qazaqstandyq ýnıversıtetten qatysyp otyr.
Times Higher Education Impact Rankings ádistemesi boıynsha jalpy upaı TDM 17 «Turaqty damý múddesindegi áriptestik» (jalpy upaıdyń 22% - na deıin quraıdy), sondaı-aq derekter berilgen basqa TDM-nyń eń myqty úsheýi boıynsha (olardyń árqaısysy jalpy upaıdyń 26% - na deıin quraıdy) qalyptastyrylady.
Bıyl Abaı atyndaǵy QazUPÝ barlyq 17 TDM boıynsha reıtıńke ıe boldy, olardyń 4-i jalpy upaıǵa kirdi:
TDM 5 - Genderlik teńdik. Pozısıa: 1081 ýnıversıtettiń 201-300, TDM boıynsha upaıy 60.5, jalpy reıtıń upaıynyń 26%. Eń joǵary mánge ıe kórsetkish - Áıel aǵa oqytýshylardyń úlesi 99,5%, eń tómengi kórsetkish - Birinshi býyndaǵy stýdent qyzdardyń úlesi 10,9%.
TDM 15 - Qurlyq ekojúıelerin saqtaý. Pozısıa: 568 ýnıversıtettiń 101-200-i, TDM boıynsha upaıy 60.5, reıtıńtiń jalpy upaıynyń 26%. Eń joǵary mánge ıe kórsetkish - Jerge sezimtal qaldyqtardy kómý/joıý 94,4%, eń tómengi kórsetkish - Osy saladaǵy zertteýler 10,8%.
TDM 16 - Beıbitshilik, ádilettilik jáne tıimdi ınstıtýttar. Pozısıa: 910 ýnıversıtettiń 401-600-i, TDM boıynsha upaıy 56.7, reıtıńtiń jalpy upaıynyń 26%. Eń joǵary mánge ıe kórsetkish - Ýnıversıtet basshylyǵy qabyldaıtyn sharalar 84,7%, eń tómengi kórsetkish - Osy saladaǵy zertteýler 14%.
TDM 17 - Turaqty damý múddelerindegi Seriktestik. Pozısıa: 1625 ýnıversıtettiń 801-1000, TDM boıynsha upaıy 47.6, jalpy reıtıń upaıynyń 22%. Eń joǵary mánge ıe kórsetkish - Maqsatty qoldaý qatynastary 87,8%, eń tómengi kórsetkish - Osy baǵyttaǵy zertteýler 26,1%.
Turaqty damýdyń jahandyq trendine atsalysqan ýnıversıtet ujymyn jańa jetistigimen quttyqtaımyz!