Áıgili «Elim-aı» dastanynyń 300 jyldyǵyna oraı Túrkistan oblysy Qarataýdyń baýraıyna eskertkish ornatty.
Alyp tuǵyrtastyń betine «Elim-aı» jyrynyń úzindisi qashalyp jazylǵan. Qazaq qazaq bolǵaly qanshama qanquıly soǵysty, jaýgershilikti, qýǵyn-súrgindi basynan keshirdi. Sonyń ishindegi eń bir zulmaty - 1723 jylǵy Jońǵar shapqynshylyǵy.
Tutqıyldan tıgen jaý qoly beıbit jatqan qazaq halqyn údere kóshirip, toz-tozyn shyǵardy. Qynadaı qyrylyp, bosyp ketken qazaqtyń qasiretti tarıhyna «Aqtaban shubyryndy,
Alqakól sulama» bolyp engen «Elim-aı» jyryna bıyl 300 jyl. Soǵan oraı Qarataýdyń basynan "Elim-aılap" kóshken qaraly kóshti, eli úshin sheıit bolǵan bozdaqtardy máńgige este qaldyrý maqsatynda bıik tuǵyrtas ornatylady.
Halqymyzdyń sherli tarıhynan syr shertetin týyndy áskerı qolbasshy, uly jyraý Qojabergen Tolybaıulynan bizge zar zamannyń shyndyq shyraǵy bolyp jetti. Bıiktigi 6, eni 1,5 metr bolatyn tuǵyrtasty Qazaqstannyń eńbek sińirgen qaıratkeri Beket Turǵaraev basqaratyn «Jeti jarǵy» jáne «Qojabergen jyraý» halyqaralyq qoǵamdyq qaıyrymdylyq qory ornatqan.